پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
بافڵ جەلال تاڵەبانی، سەرۆكی یەكێتیی نیشتمانیی كوردستان لە ماڵی مام لە بەغدا لەگەڵ سابت محەمەد سەعید عەباسی، وەزیری بەرگریی عێراق كۆبووەوە.
لە دیدارێكدا دوایین پێشهاتە سەربازی و ئەمنییەكان و رێوشوێنەكانی ریشەكێشكردنی پاشماوەكانی داعش تاوتوێكران و جەخت لە هاریكاری و هەماهەنگی نێوان هێزی پێشمەرگە و سوپای عێراق كرایەوە بەتایبەت لەو ناوچانەی بۆشایی ئەمنی تێدایە لەپێناو پاراستنی ئارامی و ئاسایش لە ناوچەكە.
بافڵ جەلال تاڵەبانی ئاماژەی بە گرنگی پەیوەندییەكانی نێوان هەردوولا و هەماهەنگی زیاتری نێوان هێزی پێشمەرگە و سوپای عێراق كرد و وتی، دۆخی ئەمنی عێراق وادەخوازێت هەموومان هاوكار و هەماهەنگ بین لەپێناو پاراستنی سەقامگیریی وڵات و هاوڵاتیانمان.
هەر لە كۆبوونەوەكەدا چەند پرۆژەیەكی هاوبەش لەپێناو بەرەوپێشبردنی پەیوەندییەكان و زیاتركردنی كردە سەربازییەكان گەڵاڵەكران و هەردوولا هاوڕابوون كە پاراستنی گیانی هاوڵاتییان و رووبەڕووبوونەوەی تیرۆر دەبێت كاری لەپێشینە بێت.