پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
حکومەتی هەرێمی کوردستان کار بۆ بەئەلیکترۆنیکردنی مووچەی فەرمانبەران دەکات و لە ئێستادا مووچەی پێشمەرگە بەئەلیکترۆنیکراوە و بۆ فەرمانبەرانیش لە هەنگاوەکانی کۆتاییدان.
عەبدولحەكیم خەسرەو، سەرۆكی فەرمانگەی هەماهەنگی و بەدواداچوون لە ئەنجومەنی وەزیرانی هەرێمی كوردستان ڕایگەیاند، “هەر فەرمانبەرێك كۆدی بێ هاوتای خۆی دەبێت بۆ مووچە و مووچەكە تەنیا بەو خاوەن كۆدە دەدرێت”.
جەختی لەوەشکردەوە، لەم کابینەیەدا خەرجییەكانمان كەم كردووەتەوە و ئێستا خەرجییەكانمان بە ئەلیكترۆنی و مەركەزیی كردووه و داهاتیش بە ئەلیكترۆنی كراوە.
ئەوەشی ئاشکراکرد، “لەم كابینەیەدا خۆشبەختانە دوومووچەییمان نەهێشت، لەكاتێكدا لە عێراق ئەو دیاردەیه زۆرە و بەهەدەردانی زۆری پارە هەیە”.