پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
پێشنیوەڕۆی ئەمڕۆ دووشەممە مەکتەبی سیاسی پارتی دیموکراتی کوردستان کۆدەبێتەوە و دوایین پێشهاتەکانی عێراق و سەردانەکەی شاندی چوارچێوەی هەماهەنگی بە سەرۆکایەتی هادی عامری بۆ هەرێمی کوردستان تاوتوێ دەکات.
بەگوێرەی ئەو زانیارییانەی بەردەستن، کۆبوونەوەکە پێش نیوەڕۆی ئەمڕۆ لە پیرمام دەکرێت و مەسعود بارزانی سەرۆکی پارتی سەرۆکایەتی کۆبوونەوەکە دەکات، بڕیاریشە دوایین پێشهاتە سیاسییەکانی هەرێم و عێراق لەو کۆبوونەوەیەدا بخرێنەڕوو.
هەر لە کۆبوونەوەکەدا ئامانجی سەردانەکەی هادی عامری سەرۆکی هاوپەیمانی فەتح و شاندی چوارچێوەی هەماهەنگی بۆ هەرێم و کۆبوونەوەیان لەگەڵ سەرکردە سیاسییەکانی هەرێم دەخرێتەڕوو.
ڕۆژی یەکشەممە هادی عامری سەرۆکی هاوپەیمانی فەتح سەردانی هەرێمی کوردستانی کرد و لەگەڵ زۆرێک لە سەرکردەی لایەنە جیاوازەکان کۆبووەوە.
قەیوان گروپ
مایۆرکا سیتی جوانییەک لە دڵی سروشتدا
