ئەو ڕێژەیەی پڕۆتین کە جەستە پێویستی پێیەتی

پۆڵەتیک پرێس

پڕۆتینەکان یەکێە لەو ماددانەی سوودێکی زۆری بۆ تەندروستی هەیە، جەستە پێویستییەکی زۆری پێیە و لەڕێگای خواردنەکانەوە بەدەستی دەهێنێت.

بەشێوەیەکی گشتی هەر کیلۆگرامێک لە کێشی جەستە پێویستی بە 0.8 گرام پڕۆتین هەیە بۆئەوەی پارێزگاری لە تەندروستی جەستە بکات و لە نەخۆشیەکان بیپارێزێت، توێژینەوەکان دەریانخستووە سیستمی خۆراکی دەوڵەمەند بە پڕۆتین ئەم سوودانە بە جەستە دەگەیەنێت:

-یارمەتی دابەزینی کێش دەدات.
-ڕۆڵێکی گرنگی لە گەشە و بەهێزکردنی ماسوولکەکاندا هەیە.
-توێژینەوەکان سەلماندویانە پڕۆتینی ئاژەڵی سوودێکی زۆری بۆ تەندروستی ئێسکەکان هەیە و مەترسی توشبوون بە فشەڵبوون و شکانی ئێسکەکان کەمدەکاتەوە.
-یارمەتی دابەزینی پەستانی خوێن دەدات.

سەرچاوە سەرەکیەکانی پڕۆتین:

-فاسۆلیا، بەزالیا و نیسک.
-هێلکە.
-گۆشتە بێچەورییەکان.
-بەرهەمی شیرەمەنیەکان.
-دانەوێڵە و چەرەساتەکان.
-ماسی و خواردنە دەریاییەکان