عەلی خامنەیی: بڕیارە هەڵەكان زیانیان بە ئابووری ئێران گەیاندووە

پۆڵەتیك پرێس:

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

عەلی خامنەیی ڕێبەری باڵای ئێران لە كۆبوونەوەیەكیدا لەگەڵ كاربەدەستانی ئابووری وڵاتەكە رایگەیاند: لاوازی ئابووری وڵات هەر تەنها بەهۆی گەمارۆ نێودەوڵەتیەكانەوە نەبووە، بەڵكو بەهۆی خراپی بەڕێوەبردنی حكومەتی وڵاتیشەوە بووە.

ڕێبەری باڵای ئێران وتی: نزیكەی دە ساڵە لە مانگی سێی ساڵی 2011 وە هەتا ساڵی ڕابردوو بڕیارە هەڵەكان و كەموكورتیەكان بەشێك بوون لە هۆكاری خراپبوونی ئابووری ئێران.

عەلی خامنەیی وتیشی : ئەگەر دەسەڵاتدارانی ئێران زیاتر هاوكاریان لەگەڵ بەرهەمهێنەراندا بكردایە لە ماوەی ئەم دە ساڵەدا، ئەوا زیانە ئابووریەكان كەمتر دەبوون و سەركەوتنەكانی ئابووریش گەورەتر دەبوون.

وتەكانی خامنەیی وەك هێرشیكی ڕاشكاوانە لێك دەدرێتەوە بۆ سەر حكومەتەكەی سەرۆكی پێشووی ئێران حەسەن ڕوحانی.

پەخشی راستەوخۆی رادیۆ پۆلەتیک