بەوێنە.. کاپوچینۆی داپۆشراو بەزێڕ ببینە

پۆڵەتیک پرێس

هەندێک لە چالاکوانانی تۆڕۆکۆمەڵایەتیەکان ئەزموونی خۆیان لەسەر خواردنەوەی کاپوچینۆی داپۆشراو بەزێڕ دەردەبڕن، کە لە چێشتخانەیەکی لەندەن پێشکەش دەکرێت، کاپوچینۆکە سەرنجی هەندێک لەو کەسانەی ڕاکێشاوە و لەلایەن هەندێکیشەوە بە خواردنەوەیەکی زۆر گرانبەها دادەنرێت.

پێشکەشکردنی ئەم خواردنەوەیە لە چێشتخانەیەکی لەندەن دوای ئەوە هات کاتێک شێفی بەناوبانگ لە ئینستاگرام سالت بەی لیستێک نوێی دانا بەناوی “لیستی زێڕین”، بیرۆکەی ئەو لیستە ئەوەیە هەر خواردن و خواردنەوەیەک پێشکەش بکەن چینێک زێڕی لەسەر بێت، لەڕاستیدا ئەو زێڕە هیچ تامێک نابەخشێت تەنها گرانبەهای ئەو کانزایە دەردەخات.

بەڕێوەبەری چێشخانەکە دەڵێت: “ئەو چینە زێڕە تام و کوالیتی هیچکام لە قاپەکان باشتر ناکات، بەڵام ئەوەش مانای ئەوەنییە کە هەرزانن”.

ماڵپەڕی مای لەندەن ڕایگەیاند، کوپێک کاپوچینۆی داپۆشراو بە زێڕ لە چێشتخانەی نایتسبریدگ نرخەکەی 50 جونیەی ئستەرلینە، هەروەها پارچەیەک گۆستی توماهۆکی داپۆشراو بە زێڕ نرخەکەی 850 جونیەی ئستەرلینیە.