پۆڵەتیك پرێس
بڕیارە ئەمڕۆ پێنج شەمە پەرلەمانی كوردستان كۆبێتەوەو هەمواری چەند یاسایەك بكاتەوە لەوانەش یاسای وەزارەتی دارایی و دەستەی دەستپاكی هەرێم.
بەپێی راگەیەنراوێكی پەرلەمانی كوردستان كە لە بارەی كۆبونەوەكەی ئەمڕۆوە بڵاویكردوەتەوە تێیدا هاتووە، لە دانیشتنەكەدا خوێندنەوەی یەكەم بۆ پڕۆژەیاسای هەمواری یاسای وەزارەتی دارایی و ئابوری و خوێندنەوەی دووەم بۆ پێشنیازە یاسای هەمواری دووەمی یاسای دەستەی دەستپاكی دەكرێت.
ئەوەشهاتووە، پەرلەمان خوێندنەوە بۆ پرۆژەیاسای هەمواری دووەمی یاسای یەكێتیی ژوورەكانی بازرگانی و پیشەسازی و پرۆژەیاسای هەمواری یەكەمی یاسای وەزارەتی بازرگانی و پیشەسازی دەكات.