سەردار _ چەمچەماڵ
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
لە ئەنجامی وەرگەڕانی ئۆتۆمبێلێك لە ناحیەی قادركەرەم كەسێك گیانی لە دەستدا و چوار كەسی دیكە بریندار بوون.
هەڵكەوت حەمە نەجم، بەڕێوەبەری سەنتەری فریاكەوتنی چەمچەماڵ بە پۆلەتیك پرێسی ڕاگەیاند: كەمێك پێش ئێستا بەهۆی وەڕگەرانی ئۆتۆمبێلێكەوە لە ڕێگای نیوان تەكیەی جەباری ــ ناحیەی قادركەرەم ، پێنج برینداریان گەیاندە سەنتەری فریاكەوتنی چەمچەماڵ، كە تەمەنیان لە نێوان 19ــ 24 ساڵە.
بەڕێوەبەری سەنتەری فریاكەوتنی چەمچەماڵ وتی: یەكێك لە بریندارەكان، كەتەمەنی 23 ساڵە بەهۆی سەختی برینەكەیەوە گیانی لە دەستدا تەرمەكەی ڕەوانەی پزیشكی دادی سلێمانی كرا و دوو برینداری دیكە بەهۆی سەختی برینەكەیانەوە ڕەوانەی نەخۆشخانەی شار كران.
خراپی رێگاكانی هاتووچۆ و پابەندنەبوونی بەشێك لە شوفێران بە یاساكانی هاتووچۆ، لە هۆكارە سەرەكییەكانی رووداوەكانی هاتووچۆن لە هەرێمی كوردستان.
قەیوان گروپ
مایۆرکا سیتی جوانییەک لە دڵی سروشتدا
