هاوپەیمانی كوردستان زیاتر لە 1000 بریكار بۆ سەر سندوقەكانی كەركوك دەنگدان دادەنێت

پۆڵەتیك پرێس

بەرپرسی دەزگای هەڵبژاردنی یەكێتی لە كەركوك دەڵێت، بەپێی ئەو خشتەی كۆمسیۆنی باڵای سەربەخۆی هەڵبژاردنەكان دایناوە، هاوپەیمانی كوردستان كارەكانی جێبەجێدەكات و لە ئێستادا سەرقاڵی تۆماركردنی فەرمانبەرانی كۆمسیۆنین بۆ رۆژی دەنگدان ، بۆ بریكاری سەرسەندوقەكانیش زیاتر لە 1700 بریكار دادەنێین.

عەلی قەڵایی، بەرپرسی دەزگای هەڵبژاردنی یەكێتی لە كەركوك بە پۆڵەتیك پرێسی راگەیاند: لە شاری كەركوك سەرجەم حزب و لایەنە سیاسییەكان سەرقاڵی ئامادەكارییەكانن بۆ هەڵبژاردنی پێشوەختەی عێراق و لەو چوارچێوەیەشدا هاوپەیمانی كوردستان بەپێی ئەو خشتەیەی كۆمسیۆن دایناوە كارەكانی ئەنجام دەدات.

بەرپرسی دەزگای هەڵبژاردنی یەكێتی لە كەركوك وتی: لە 23ی مانگی ئایاری رابردووەوە كۆمسیۆن دەرگای دامەزراندنی بۆ فەرمانبەرانی سەرسەندوقەكانی دەنگدان كردووەتەوە و تا ئێستاش ئەو كارە بەردەوامی هەیە.

باسی لەوەشكرد، وەكو هاوپەیمانی كوردستان پێویستمان بە زیاتر لە 1700 بریكار هەیە بۆ هەردوو بازنەی یەك و دووی كەركوك و هەوڵدەدەن بەپێی پێویستی هەردوو بازنەكە بریكار بۆ رۆژی دەنگدان دابنێن.

پەخشی راستەوخۆی رادیۆ پۆلەتیک