پۆڵەتیك پرێس
وتەبێژی پۆلیسی پارێزگای سلێمانی نوێترن زانیاری لەبارەی تەرمی ئەو ژنەی شەوی رابردوو لە سلێمانی دۆزرایەوە دەخاتەڕوو.
شەوی رابردوو تەرمی ژنێک لە گۆڕستانی سەیوانی شاری سلێمانی دۆزرایەوە و تائێستا ناسنامەی دیار نییە.
سەركەوت ئەحمەد، وتەبێژی پۆلیسی پارێزگای سلێمانی بەپۆڵەتیك پرێس-ی راگەیاند: “بەڕێوەبەرایەتی تەندروستی سلێمانی و پۆلیس هەوڵەكانیان بۆ دۆزینەوەی ناسنامەی ئەو تەرمە بەردەوامە، بەڵام تائێستا هیچ سەرەداوێكمان نەدۆزیوەتەوە”.
وتیشی “دەركەوتووە ئەو ژنە خنكێندراوە و شوێنەواری هیچ شتێكی دیكە بەجەستەیەوە نییە تائێستاش کەس بۆ وەرگرتنەوەی تەرمەکە نەهاتووە “.