پۆلیسی سەرجەم شارەكان بۆ دەستگیركردنی عەبدوڵای كوێخا موبارەك رادەسپێدرێن

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

لەلایەن دادگاوە لەسەر كەیسی كوشتنی كارمەندێكی ئاسایش، فەرمانی دەستگیركردن بۆ عەبدوڵڵای كوێخا موبارەك و دوو كوڕی و دوو ئامۆزایی و دووبرای دەرچوو.

سەركەوت ئەحمەد وتەبێژی پۆلیسی سلێمانی رایگەیاند: لەلایەن دادگاوە لەسەر كوشتنی كارمەندێكی ئاسایش فەرمانی دەستگیركردن بۆ حەوت كەس دەرچووە، كە سەرجەمیان لەئێستادا هەڵهاتوون و لەیاسا قاچاغن.

وتیشی: لەسەر ئەو تاوانە فەرمانی دەستگیركردن بۆ عەبدوڵڵای كوێخا موبارەك و دوو كوڕ و دوو ئامۆزایی و دووبرای ناوبراو دەرچووەو لەئێستادا سەرجەمیان بەرەوە شوێنێكی نادیار هەڵهاتوون.

وتەبێژی پۆلیسی سلێمانی ئەوەشی خستەڕوو: لەلایەن دادگاوە سەرجەم پۆلیسی پارێزگاكانی هەرێم ئاگادار كراونەتەوە كە ئەو حەوت تۆمەتبارە لەهەر شارێكن دەستگیربكرێن و رووبەڕووی یاسا بكرێنەوە.