ئەو خواردنانەی نابێت لە بەفرگردا هەڵبگیرێن

پۆڵەتیک پرێس

هەندێک خواردن نابێت لە بەفرگردا هەڵبگیرێن، چونکە دەبێتە هۆی لەدەستدانی تام و بۆنەکەی یان تێکدەچێت.

پسپۆڕانی بواری خۆراک ڕێنمای دەدەن دەربارەی هەندێک خواردن وەک، پەتاتەی نەشۆراوە پێویستە لە شوێنی وشکدا دوور لە بەفرگر و تیشکی خۆر هەڵبگیرێت، چونکە ئەو نیشاستەکەی ناوی دەگۆڕێت بۆ شەکر و ڕەنگەگەی دەگۆڕێت، هەروەها پیاز و سیر پێویستە لە بەفرگردا هەڵنەگیرێت چونکە لەشوێنێکی شێداردایە و دەبێتە هۆی لەدەستدانی بۆنەکەی.

ئەو خواردنانەی نابێت لە بەفرگردا هەڵبگیرێن:

-هەنگوین
هەنگوین نابێت لە بەفرگردا هەڵبگیرێت چونکە خەست دەبێتەوە و تێکدەچێت.

-ئەڤۆگادۆ و قۆخ
ئۆڤۆگادۆ و قۆخی پێنەکەیشتوو نابێت بخرێتە بەفرگرەوە، چونکە کرداری پێگەیشتنەکەی لە ژینگەی ساردا دەوەستێت.

-زەیتی زەیتون
زەیتی زەیتون ئەگەر لە بەفرگردا هەڵبگیرێت ڕەنگ و تامەکەی لەدەست دەدات.

-چەرەسات و میوە وشک کراوەکان
تامەکەیان لەدەست دەدەن و زیاتر ڕەق دەبنەوە.

-نان
نان پێویستە لە بەفرگردا هەڵنەگیرێت، چونکە نیشاستەکەی ناوی وشک دەبێتەوە، ئەمەش دەبێتە هۆی کەڕوو کردن و تێکچوونی بەخێرایی.