پۆڵەتیك پرێس
وتەبێژی وەزارەتی دەرەوەی ئێران ئەو هەواڵانەی رەتكردەوە کە باس لە ئاڵوگۆڕی زیندانییەكانیان دەکات لەگەڵ ئەمریکا ئەوەش دوای ئەوەدێت كە میدیاكانی ئێران بڵاویانكردەوە تاران و واشنتن گەیشتونەتە رێككەوتن بۆ ئازادكردنی دیلەكانی نێوانیان و هەڵگرتنی سزا لەسەر پارەبلۆكراوەكانی ئێران لەئەمەریكا.
خەیتیب زاد، وتەبێژی وەزارەتی دەرەوەی ئێران جەختی لەوەکردەوە، کە هیچ جۆرە ڕێککەوتنێک و وتووێژێکی یاسایی لە نێوان ئەمەریكا و بەریتانیا و ئێراندا نییە لەسەر ئاڵوگۆڕی زیندانییەكانیان.
سەبارەت بەرێككەوتنی ڤییەنا ئاماژەی بەوەشكردووە، ئێران پەلەی نییە لە بەرزکردنەوەی سزاکان وگەڕانەوەی واشنتن بۆ سەر ڕێککەوتننامە ناوەکیەکە و ئەگەر واشنتن ئامادە بوایە بۆ ئەوەی سزاکان لەسەر ئێران هەڵبگری ، ئێران مانگێک لەمەوپێش لە گفتوگۆی ڤییەنا لەگەڵ ئەمریکا دەگەیشتە ڕێککەوتن.
جەختی لەوە کردەوە، وڵاتەکەی ڕێگە نادات وتووێژەکانی ڤییەنا بگۆڕین بۆ دانوستانی دەستکردو دژی ئێران بن .
پێشتر وەزارەتی دەرەوەی ئەمریکا ئەو هەواڵانەی رەتكردەوە کە باس لەوە دەکەن واشنتن و تاران گەیشتونەتە ڕێککەوتنێک بۆ ئاڵوگۆڕکردنی زیندانییەکان ولابردنی سزا لەسەر گەڕانەوەی بەشێک لەپارە بلۆكراوەكانی ئێران لە ئەمریکا.
قەیوان گروپ
مایۆرکا سیتی جوانییەک لە دڵی سروشتدا
