عێراق، ئێران بە هۆكاری وشك بوونی رووبارەكانی تۆمەتبار دەكات

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

وەزیری سەرچاوەكانی ئاوی حكومەتی عێراق، ئێران لە وشكبوونی رووبارەكانی تۆمەتبار دەكات و رایگەیاند، تاران هەوڵدەدات عێراقییەكان لە شوێنی نیشتەجێبوونی خۆیان بەهۆی وشكبوونەوە كۆچ بكەن.

مەهدی ئەلحەمدانی، وەزیری سەرچاوەكانی ئاوی حكومەتی عێراق رایگەیاند: ئێران ئاراستەی رووبارەكانی بەرەو وڵاتەكەی گۆڕیوە، ئەمەش بە پێچەوانەی رێكەوتنە نێودەوڵەتییەكانە.

وتیشی: هەر جۆرە رێكەوتنێك كرابێ، رێگە بەوە نادرێت ئاراستەی رووبارەكان بگۆڕدرێت، ئێران لە دۆسییەی ئاودا هاوكار نییە.

ئەوەشی خستەڕوو، پێویستە لە چەند رۆژی داهاتوو لەگەڵ ئێران دابنیشین و گفتوگۆ بكەین، لۆژیك نییە دراوسێی وڵات ئاراستەی رووبارەكان بۆ ناو سنووری خۆی بگۆڕیت، بۆ ئەمە تاران لەهەوڵی كۆچپێكردنی كۆمەڵگەكانی عێراقدایە.