ئەیاد عەلاوی هۆشداری لەبارەی هەڵبژاردنی پێشوەختە دەدات

پۆڵەتیک پرێس

ئەیاد عەلاوی، سەرۆکی هاوپەیمانی نیشتیمانی جەختی لەوەکردەوە، دابینکردنی ژینگەی گونجاو بۆ هەڵبژاردنێکی پاک و بێساختەکاری بووەتە پێویستی.

ئەیاد عەلاوی لەبەیاننامەیەکدا ڕایگەیاند، لەمدواییانەدا چەند ڕەفتار و مامەڵەیەک دەرکەوتوون کە هیچ لەگەڵ دروشمەکانی گەیشتن بە هەڵبژاردنێکی پاک و سەربەخۆ یەکناگرنەوە.

عەلاقی وتیشی: پارەی سیاسی وەک هەمیشە ڕۆڵێکی ئاشکرا لەدیمەنی هەڵبژاردنەکاندا دەگێڕێت، جگە لەو پشێوییەی بەهۆی چەکی نایاسایی و بەردەوامی خۆپیشاندانەکان دروستبووە و دۆخی سیاسی عێراقی گەیاندووەتە قۆناغێکی کارەساتبار.

لەکۆتایی بەیاننامەکەیدا عەلاوی ئاماژەی بەوەکرد، ئەگەر هەڵبژاردنی پێشوەختە لەم بارودۆخەدا و بەبێ دۆزینەوەی چارەسەر بۆ کێشەکان ئەنجامبدرێت، ئەوا هیچ چاکسازییەک نایەتەئاراوە، بەڵکو دەبێتەهۆی زیاتر ڕەنجاندنی جەماوەر و ئەنجامی کارەساتباری دەبێت.

بڕیارە لە 10ی تشرینی یەکەمی ئەمساڵ هەڵبژاردنی پێشوەختەی عێراق ئەنجام بدرێت، 17ی ئەم مانگەش دوا وادەیە بۆ پێشكەشكردنی ناوی پاڵێوراوان.

 

پەخشی راستەوخۆی رادیۆ پۆلەتیک