پۆڵەتیک پرێس
نێچیرڤان بارزانی سەرۆکی هەرێمی کوردستان گەیشتە بارەگای رەوتی حیکمە لە بەغدا و لەگەڵ عەمار حەکیم، سەرۆکی رەوتی حیکمە لە کۆبوونەوەدایە.
میدیاکانی عێراق بڵاویانکردەوە، بەمەبەستی تاوتوێکردنی پرسە ئابوری و سیاسی و سەربازییەکانی نێوان حکومەتی عێراق و حکومەتی هەرێم و جێبەجێکردنی رێککەوتنی شەنگال و تاوتوێکردنی هەماهەنگی نێوان لایەنە سیاسیەکانی عێراق و هەرێم، نێچیرڤان بارزانی لەگەڵ عەمار حەکیم لە کۆبوونەوەدایە.
هاوکات، یەکێکی دیکە لە ئامانجەکانی کۆبوونەوەکە، گەیاندنی پەیامی ئیمانوێل ماکرۆن، سەرۆکی فەڕەنسایە کە هەفتەی رابردوو لە فەڕەنسا کۆبوونەوەیان ئەنجامدا و تیایدا جەختی لە پشتیوانی وڵاتەکەی بۆ عێراقێکی سەقامگیر کردەوە.
هەر لەم کۆبوونەوەیەدا بڕیارە قسە لەسەر چۆنێتی جێبەجێکردنی پڕۆژەیاسای بودجە و بابەتی هەڵبژاردنی پێشوەختە بکرێت.
رۆژی شەممە نێچیرڤان بارزانی لە بەغدا لەگەڵ سێ سەرۆکایەتییەکەی عێراق کۆبووەوە و بڕیارە ئەمڕۆش نزیکەی نۆ کۆبوونەوەی جیاوازی لەگەڵ سەرکردەی لایەنە شیعە و سوننەکانی عێراق هەبێت.
قەیوان گروپ
مایۆرکا سیتی جوانییەک لە دڵی سروشتدا
