پۆڵەتیک پرێس
باڵیۆزخانەی ئەمریکا لە ناوچەی سەوز لە ناوەڕاستی بەغدای پایتەختی عێراق سیستمی بەرگری ئاسمانی C-RAMی خستە ئامادەباشییەوە و چەند هەلیکۆپتەرێکیش لە ئاسمانی پایتەخت کەوتنە جوڵە.
لەوبارەیەوە میدیاکانی عێراق بڵاویانکردەوە، باڵیۆزخانەی ئەمریکا لە بەغدا چوار جار بە پچڕپچڕی و بەبێ ئەوەی هۆکارەکان ئاشکرا بکات، سیستمی بەرگری ئاسمانی C-RAMی خستووەتە ئامادەباشییەوە.
لەلایەکی دیکەوە سەرچاوەیەکی ئەمنی ئاماژەی بەوەکرد، ئەم کارە ئەزموونێکی تاقیکارییە و باڵیۆزخانەی ئەمریکا جارجارە ئەنجامی دەدات.
ئەوەش هاتووە، ماوەیەکی کەم چەند هەلیکۆپتەرێک بە ئاسمانی بەغدادا بڵاوەیان پێکراوە و سوڕاونەتەوە.
ئەوەش لەكاتێكدایە شەوی دووشەممە، لەڕێی چەند موشەكێكەوە بنكەیەكی سەربازی ئەمریكی لەناو فڕۆكەخانەی هەولێری پایتەختی هەرێمی كوردستان كرایە ئامانج.
قەیوان گروپ
مایۆرکا سیتی جوانییەک لە دڵی سروشتدا
