پۆڵەتیک پرێس
ئەندامێکی لیژنەی دەرەوەی پەرلەمانی عێراق رایگەیاند، پاراستنی نێردە دیبلۆماسییەکانی عێراق ئەرکی وڵاتی خانەخوێیە، بۆیە پێویستە دووبارە چاو بخشێنرێتەوە بە رێوشوێنەکانی ئەو لایەنانەی هێرش دەکەن و وڵاتەکە لاواز دەکەن.
عامر فایز بە میدیاکانی عێراقی راگەیاند، پەرلەمان هەڵوێستی توندی دەبێت بەرامبەر پاراستنی باڵیۆزخانە و دامەزراوە دیبلۆماسیەکانی عێراق، لەگەڵ ئەوەی ئەرکی ئەو چاودێرییە نەک جێبەجێکردن.
هاوکات، هۆشداری دەدات لەبارەی ئەوەی، کشانەوەی باڵیۆزخانەی ئەمریکا دەبێتە هۆی کشانەوەی باڵیۆزخانەکانی دیکە لە عێراق، ئەوەش زیانی دیبلۆماسی و ئابوری و ئەمنی بە عێراق دەگەیەنێت.
باسی لەوەش کرد، هەر کەسێک دەیەوێت هەڵوێستی بەرامبەر ئەمریکا هەبێت، پێویستە رێگایەکی دیکە بگرێتە بەر و نێردە دیبلۆماسییەکان نەکاتە رێگای ئەو هەڵوێستانە چونکە کاریگەری لەسەر سەرکردایەتی عێراق دەبێت.
ئەوەش لەکاتێکدایە، ئێوارەی چوارشەممە ٣٠ی ئەیلول، لەمیانی کۆبوونەوەی مستەفا کازمی سەرۆک وەزیرانی عێراق و ٢٥ باڵیۆز و دیبلۆماتکاری بیانی، جەختی لەوە کردەوە وڵاتەکەی سزای ئەو کەسانە دەدات کە لە یاسا دەردەچن و میوانەکانی دەپارێزێت.