پۆڵەتیک پرێس
عەبدولحسێن هنداوی، راوێژکاری سەرۆکی حکومەتی عێراق لەبارەی کاروباری هەڵبژاردنی پێشوەختەوە جەختی لەوەکردەوە، چاودێری نێودەوڵەتی بۆ هەڵبژاردنەکان بەمانای سەرپەرشتیکردن و بەڕێوەبردنی هەڵبژاردنەکان نایەت.
هنداوی رایگەیاند، چاودێری نێودەوڵەتی لە هەموو جیهاندا هەیە و عێراقیش داوای ئەو چاودێرییەی کردووە لە نەتەوەیەکگرتووەکان، وتیشی: نەتەوەیەکگرتووەکان و کۆمەڵگای نیودەوڵەتی لە بەڕێوەچوونی هەڵبژاردنێکی پاک و بێساختەکاری پاڵپشتیمان دەکەن.
ئاماژەی بەوەشکرد، چەند جۆرێک لە چاودێری هەیە کە بریتین لە، تۆڕی چاودێری نیشتیمانی عێراقی و چاودێری نێودەوڵەتی و ئاستە جیاجیاکانی، کە کار بۆ پاڵپشتی عێراق و کۆمسیۆنی هەڵبژاردنەکان دەکەن.
لەماوەی چەند رۆژی رابردوودا فوئاد حسێن، وەزیری دەرەوەی عێراق رایگەیاند، وڵاتەکەی داوای لە ئەنجومەنی ئاسایشی نێودەوڵەتی کردووە چاودێری هەڵبژاردنی پێشوەختەی عێراق بکات.