پۆڵه‌تیك پرێس:
له‌بڕیارێكی نوێی وه‌زاره‌تی په‌روه‌رده‌ی حكومه‌تی هه‌رێمی كوردستان، کرێی نیوەی ساڵی خوێندن لە قوتابخانە و پەیمانگە ناحکومییەکان كه‌مكرایه‌وه.
به‌گوێره‌ی نوسراوێك کە واژۆی ئالان حەمەسەعید، وەزیری پەروەردەی هەرێمی کوردستانی لەسەرە و وێنه‌یه‌كی ده‌ست پۆڵه‌تیك پرێس كه‌وتووه، بڕیاردراوه به داشکاندانی کرێی خوێندنی هەموو قوتابیانی قوتابخانە و پەیمانگەکانی وەزارەتی پەروەردە بۆ وەرزی یەکەم (نیوەی ساڵ) كه بەم شێوەیەی خوارەوەیه:
یەکەم: قوتابخانە و پەیمانگەکان بە رێژەی 25% کرێی خوێندنی وەرزی یەکەم (نیوەی ساڵ) یان لێوەردەگیرێت، واتە نیوەی تێکڕای کرێی خوێندنی ساڵ.
دووەم: قوتابخانە نێودەوڵەتییەکان بەڕێژەی 15% کرێی خوێندنی وەرزی یەکەم (نیوەی ساڵ) واتە نیوەی تێکڕای کرێی خوێندنی ساڵ.
سێیەم: هەر قوتابی و خوێندکارێک سوودمەندبوو بێت لە داشکاندن بە هەر شێوازێک ئەم بڕیارە نایگرێتەوە.
چوارەم: بەڕێوەبەرایەتی گشتیی پەروەردەکان و بەڕێوەبەرایەتی گشتی پەیمانگەکان و مەشقکردن و بەڕێوەبەرایەتی قوتابخانە و پەیمانگە ناحکومییەکان و بەڕێوەبەرایەتی سەرپەرشتیکردنی پەروەردەیی پارێزگا، چاودێری وردی جێبەجێکردنی ئەم بڕیارە دەکەن. لە هەر حاڵەتێکی سەرپێچیدا جگە لە سزای دارایی بۆ ساڵی خوێندنی 2021 – 2022 لایەنی سەرپێچیکار مافی وەرگرتنی قوتابی پێنادرێت.
قەیوان گروپ
مایۆرکا سیتی جوانییەک لە دڵی سروشتدا
