پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
وتەبێژی فەرماندەی هێزە چەکدارەکانی عێراق، ڕەتیکردەوە هیچ هێزێکی بیانی نوێ هاتبێتنە ناو عێراقەوە و ڕایگەیاند، عێراق پێویستی بە هیچ هێزێکی دەرەکی نییە لەناو خاکەکەیدا.
ئەمڕۆ شەممە20ی کانونی دووەم، یەحیا رەسوڵ، وتەبیژی فەرماندەی هێزە چەکدارەکانی عێراق ئاشکرایکرد،” لەبارەی دانانی خشتەیەک بۆ کشانەوەی هێزەکانی هاوپەیمانان لە عێراق و داڕشتنەوەی پەیوەندی ئەو وڵاتە لەگەڵ عێراق، لەماوەیەکی نزیکدا کاری لیژنەی هاوبەشی نێوان حکومەتی عێرق و هێزەکانی هاوپەیمانان دەستپێدەکات”.
ڕوونیکردەوە، حکومەتی عێراق کاردەکات و هەنگاودەنێت بۆ کۆتاییهێنان بە بوونی هێزە بیانییەکان لە عێراقدا.
جەختیکردەوە، لە قۆناگی داهاتوودا دیدگایەک، کە بریتییە لە کاری تەکنیکی هاوبەش بۆ کۆتاییهێنان بە ئەرکی هاوپەیمانی نێودەوڵەتی و هەنگاونان بۆ ئاستەکانی هاوکاری ئەمنی و سەربازی دوولایەنە هەیە.
لەکاتێکدا، ڕۆژی 18ی کانونی دووەم، محەمەد شیاع سودانی، سەرۆک وەزیرانی عێراق ئاشکرایکرد، بۆ سەقامگیریی عێراق، پێویستە خشتەیەک بۆ کۆتاییهێنان بە ئەرکی ڕاوێژکارانی هاوپەیمانیی نێودەوڵەتی دابنرێت.