قوباد تاڵەبانی: لێکتێگەیشتنی باش لەنێوان هەولێرو بەغدا هەیە

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

قوباد تاڵەبانی، جێگری سەرۆک وەزیران لەگەڵ فرانک ریڤۆڵتۆ، نوێنەری نەتەوەیەکگرتووەکان لە هەرێم کۆبووەوە و پێکەوە دواین پێشهاتە سیاسییەکانی عێراق و کوردستان و پرسی هەڵبژاردن و چەند بابەتێکی دیکەی جێی بایەخی هەردوولایان تاوتوێ کرد.

لە سەرەتای کۆبوونەوەکەدا کە رۆژی سێ شەمە ( 21 ی ئایاری 2024 ) بەڕێوەچوو، جێگری سەرۆک وەزیران رۆڵی یۆنامی و بە تایبەت جێنین پلاسخارت نوێنەری تایبەتی پێشووی سکرتێری گشتی نەتەوەیەکگرتووەکانی بەرز نرخاند لە چارەسەرکردنی کێشە سیاسییەکانی عێراق و کوردستان.

سەبارەت بە پەیوەندییەکانی نێوان هەرێم و بەغداش، قوباد تاڵەبانی ڕوونی کردەوە کە لەم قۆناغەدا لێکتێگەیشتنی باش هەیە بۆ چارەسەرکردنی کێشەکان.

وتیشی: راستە کێشەی کەڵەکەبووی زۆر هەیە لەنێوان هەردوولادا، بەڵام دەکرێت بە نیشاندانی نیازپاکیی و کاری هاوبەش هەنگاو بە هەنگاو کێشەکان چارەسەر بکەین، چونکە بەبێ چارەسەرکردنی کێشەکان و بەبێ ستراتیژ و کاری هاوبەش ناتوانرێت بیر لە گەشەپێدانی عێراق و کوردستان و دابینکردنی ژیانی شایستە بۆ هاوڵاتییان بکەینەوە.

پرسی هەڵبژاردنی پەرلەمانی کوردستان تەوەرێکی دیکەی کۆبوونەکەوە بوو و باس لە دوایین گۆڕانکارییەکانی تایبەت بە هەڵبژاردن کرا.

قەیوان گروپ

 


مایۆرکا سیتی جوانییەک لە دڵی سروشتدا