پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
جەلال شێخ ناجی، سەرۆكی ئاژانسی پاراستن و زانیاری / زانیاری پێشوازیكرد لە كۆڵۆنێل بوریس فەرماندەی هێزە تایبەتەكانی فەرەنسا لە عیراق و سوریا.
لە دیدارەكەدا پێشهاتەكانی ناوچەكە و هەماهەنگی نێوان هێزەكانی هەرێمی كوردستان و هاوپەیمانان تاوتوێكرا و جەختكرایەوە لە بەردەوامی هاوكارییە هەواڵگریی ، ئەمنی ، سەربازییەكان لە روبەڕوبوونەوەی پاشماوەكانی داعش و بەپێویست زانرا هاریكاریی نێوان هەردوولا لەبەرەنگاربوونەوەی تیرۆر زیادبكرێت .
جەلال شێخ ناجی، لە میانی دیدارەكەدا دووپاتی لە گرنگی بەرەوپێشبردنی پەیوەندی و بەشداری وڵاتی فەرەنسا لە پێشخستنی توانا هەواڵگری و ئەمنی و سەربازییەكانی هەرێم كردەوە و رایگەیاند پاراستنی ئاسایشی نیشتمانیی هەرێمی كوردستان ئەولەویەتی كاركردنیانە و هەموو هەوڵێكیان روو لەچەسپاندنی ئاشتی و ئارامی و پارێزگاریكردنە لە دەستكەوتەكان .