پۆڵەتیك پرێس
لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress
قوباد تاڵەبانی جێگری سەرۆكی حكومەتی هەرێم بەبۆنەی شەهید بوونی مولازم زوهێر و برینداربوونی فەرماندە ئاكام عومەر و ژمارەیەك پێشمەرگەی دیكە پەیامێكی بڵاوكردەوە.
لە پەیامەكەیدا قوباد تاڵەبانی رایگەیاند: بە داخەوە لە كاتی ئۆپەراسیۆنێكی هێزەكانی كۆماندۆی كوردستان لە دژی تیرۆریستانی داعش پێشمەرگەی دڵسۆز مولازم زوهێر محەمەد شەهید بوو و ئاكام عومەر فەرماندەی ئازا و لێهاتووەكەی هێزەكانی كۆماندۆ و چەند پێشمەرگەیەكیتر برینداربوون.
جێگری سەرۆكی حكومەتی هەرێم، وتی: لە دڵەوە پرسە و سەرەخۆشی ئاراستەی كەسوكار و خانەوادەی ئازیزی شەهید مولازم زوهێر دەكەم و هیوای زوو چاكبوونەوە بۆ فەرماندە ئاكام و پێشمەرگە بریندارەكانیتری ئەم كردەوە تیرۆریستییە دەخوازم.
ئەوەشی خستەڕوو، هێزی كۆماندۆی كوردستان و فەرماندە ئاكام بە درێژایی ساڵانی رابردوو رۆڵێكی گرنگیان لە بەرەنگاربوونەوەی تیرۆریستانی داعشدا بینیوە و بە دڵنیاییەوە بۆ لەمەودواش پێداگرتر لە جاران هەوڵی پاراستنی ئارامی و سەقامگیری كوردستان دەدەن و رێگە نادەن خوێنی شەهید مولازم زوهێر و شەهیدانی دیكەی كوردستان بە فیڕۆ بچێت و بە توندترین شێوە توڵە لە تیرۆریستان دەكەنەوە.
قەیوان گروپ
مایۆرکا سیتی جوانییەک لە دڵی سروشتدا
