پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
بە پێی ڕووپێوییەكی وەزارەتی پلاندانانی عێراق، ڕێژەی بێكاری 16.5% ە.
خالد بەتال نەجم وەزیری پلاندانانی عێراق لە كۆنفرانسێكی ڕۆژنامەوانیدا، ئەنجامی ڕووپێوییەكی وەزارەتەكەی بۆ هێزی كار بڵاوكردەوە كە لە نیوەی دووەمی ساڵی 2021 لەلایەن ناوەندی ئامار و بە هەماهەنگی ڕێكخراوە نێودەوڵەتییەكان ئەنجامدراوە.
بە پێی ڕووپێوییەكە، كەسانی تەمەن 15 ساڵ 64% ی كۆی دانیشتوان پێكدەهێنن، كە 50% یان نێر و 50% یان مێن.
هەروەها توێژی گەنجانی تەمەن 15 بۆ 24 ساڵان 21٪ و تەمەن 24 ساڵ بۆ سەرەوەش 43٪ی دانیشتوان پێكدەهێنن، ڕێژەی بێكاریش دەگاتە 16.5٪ .
وەزیری پلاندانانی عێراق ئاماژەی بەوەكرد، بەهۆی گۆڕانكارییە سیاسی و ئابورییەكان لە ساڵانی ڕابردوودا نەتوانراوە سەرژمێری گشتی دانیشتوان بكرێت، بۆیە پێویستییەكی زۆریان هەبوو بە ڕووپێوییەك بۆ زانینی واقعی بازاری كار لە پێناو دانانی میكانیزمی گونجاو بۆ چارەسەركردنی گرفتەكانی بێكاری.