پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
سەرۆكی ئەنجومەنی سەركردایەتی یەكگرتووی ئیسلامی كوردستان، پرۆسە سەربازییەكانی توركیا بەهەر پاساوێك بن جێگەی مەترسین لەسەر ئێستا و ئایندەی هەرێمی كوردستان و پێویستی بە چارەسەركردنی ڕیشەیی هەیە.
هادی عەلی، سەرۆكی ئەنجومەنی سەركردایەتی یەكگرتوو، لە تویتێكدا لە هەژماری تایبەتی خۆی نوسیویەتی، پرۆسە سەربازیەكانی دەوڵەتانی دراوسێ بە شێوازی جیاجیا بۆ ناو هەرێم بە هەر پاساوێك بێت، تەنها پێشێلكردنی سەروەری عێراق نین بەڵكو مەترسین لەسەر ئێستا و ئایندەی هەرێمی كوردستان.
راشیگەیاند: ئەو پرۆسە سەربازیانە پێویستیان بە چارەسەركردنی ڕیشەیی هەیە، ئەوەش ئەرك و بەرپرسیارێتی هەردوو حكومەتی هەرێم و بەغدایە.
شەوی 17 ی ئەم مانگە، سوپای توركیا هێرشی زەمینی بۆسەر چیای كوڕەژارۆ، زاپ، مەتینا و ئاڤاشین لە ئامێدیی دەستپێكرد، پێشتریش لە 15 ی ئەم مانگەدا هێرشی ئاسمانیی بۆ ئەو ناوچانە دەستپێكردووە و بەپێی دوای ئاماری هەپەگە 87 سەربازی توركیا لە سێ ڕۆژی ڕابردوودا كوژراون.