پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
هاوپەیمانی دەوڵەتی یاسا رایگەیاند: مستەفا كازمی سەرۆك وەزیرانی عێراق سەرپێچی دەستووری كردووە و دەبێت لێپرسینەوەی لەگەڵ بكرێت.
محەمەد سەیهود، ئەندامی ئەنجومەنی نوێنەرانی عێراق لە هاوپەیمانی دەوڵەتی یاسا رایگەیاند: لەدوای پێكهێنانی حكومەتی نوێی عێراق مستەفا كازمی لێپێچینەوەی یاسایی لەگەڵ دەكرێت، بەهۆی ئەوپێشلكارییە دەستوورییانەی لەماوەی حكومڕانیدا ئەنجامیداوە.
محەمەد سەیهود راشیگەیاند: یەكێك لە پێشێلكارییەكان ئەنجامدانی گرێبەست و رێككەوتنە لەگەڵ كۆمەڵێك كۆمپانیا كە بەپێی دەستوور حكومەتی كاربەرێكەر ئەو ماف و دەسەڵاتەی نییە.
ئەندامەكەی دەوڵەتی یاسا ئاماژەی بەوەشدا ئێستا هەموو لایەنەكان لە هەوڵی پێكهێنانی حكومەتێكی بەهێزدان كە بتوانێت لە ئاست خواست و چاوەڕوانییەكاندا بێت و بتوانێت خزمەتگوزارییە سەرەتاییەكان بۆ هاووڵاتیانی عێراق دابینبكات.