پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
ئەمڕۆ هەینی کاروانێکی دیکەی کۆچبەرانی هەرێمی کوردستان کە پێکهاتبوو لە 417 کەس، لەڕێگەی فڕۆکەخانەی نێودەوڵەتی هەولێرەوە گەیشتنەوە هەرێم.
بەپێی زانیارییەکان، ئەم کاروانە نۆیەم کاروانی کۆچبەرانی کوردە کە تا ئێستا گەڕێندراونەتەوە هەرێم لەدوای ئەوە ماوەی زیاتر لە دوو مانگ لەسنوورەکانی نێوان بێلاڕووس و پۆڵندا گیریان خوارد.
ئەوەش هاتووە، تا ئێستا سێ هەزار و 468 کۆچبەر بەشێوەی ئارەزوومەندانە گەڕێندراونەتەوە هەرێمی کوردستان.
پێش زیاتر لە دوو مانگ، ژمارەیەکی زۆری کۆچبەرانی عێراق کە بەشێکی زۆریان کورد بوون لە سنوورەکانی نێوان بێلاڕووس و پۆڵندا گیریان خوارد و بەهۆیەوە کەوتنە بارودۆخێکی سەختی سەرما و برسێتی و گوزەرانێکی خراپەوە.