پۆڵەتیك پرێس
شاندێكی تەكنیكی هەرێم بە مەبەستی تاوتوێكردنی ستراتیژیەتی بودجەی ٢٠٢١ ی عێراق لە بەغدان و لەگەڵ بەرپرسانی بەغدا تاوتوێی بەشە بودجەی هەرێم دەكەن.
شیروان میرزا ئەندامی پەرلەمانی عێراق بە پۆڵەتیك پرێسی راگەیاند، شاندێكی تەكنیكی هەرێم لە بەغدان بۆ بەشداریكردن لەدانانی ستراتیژییەتی بودجەی ساڵی ٢٠٢١ ی عێراق كە هێشتا نەنێردراوە بۆ حكومەتی ناوەندی.
بەپێی زانیارییەكان شاندەكەی هەرێم دوو وەزیرو چەند بەڕێوەبەرێكی تەكنیكی وەزارەتی دارایی هەرێم و چەند وەزارەتێكی پەیوەندیداری دیكە لەخۆی دەگرێت.
ئەو سەردانە دوای ئەوە دێت بڕیارە مانگی ١٠ی ئەمساڵ پرۆژە یاسای بودجەی ٢٠٢١ ی عێراق لەلایەن حكومەتەوە ئاراستەی پەرلەمان بكرێت.
پێشتر هەرێم و بەغدا رێككەوتن لەسەر ئەوەی تاكۆتایی ئەمساڵ بەغدا مانگانە 320 ملیار دینار بۆ هەرێم بنێرێت، لەبەرامبەریشدا هەرێم سەدا پەنجای داهاتی خاڵە سنوورییەكان رادەستی بەغدا بكات.