پۆڵەتیك پرێس
بەڕێوەبەری گشتی گومرگی هەرێم دەڵێت، ئەو قسانە راست نین كە باس لە كەمبوونەوەی داهاتی خاڵە گومرگییەكان دەكەن، بەڵكو بە پێچەوانەوەی داهاتی خاڵە گومرگییەكان لە ماوەی ساڵێكدا 20% زیادی كردووە.
ساماڵ عەبدولرەحمان، بەڕێوەبەری گشتی گومرگی هەرێم بە پۆڵەتیك پرێسی راگەیاند: داهاتی گومرگ لە خاڵە گومرگییەكانی هەرێمی كوردستان كەمی نەكردووە و ئەو قسانە راست نین باس لە كەمبوونەوەی داهاتی خاڵە گومرگییەكان دەكەن، دەتوانم بڵێم لە ماوەی ساڵێكدا 20% زیادی كردووە.
بەڕێوەبەری گشتی گومرگی هەرێم وتی: سرووشتی گومرگ وایە دەروازەكان جێگیرنین هاتنی بار و شت و مەك لە دەروازەكانەوە دیاری كراو نیە بەپێی خواست و بەپێی بازاڕ و جۆری ماددەكان و ئەو رێگایانەی خاڵە گومرگییەكەی پێوە بەستراوە داهاتی خاڵە گومرگییەكان جێگۆڕكێدەكات.
روونیكردەوە، هەموو داهاتی خاڵە گومرگییەكان لە بانكەكاندا وەردەگیرێت و راستەوخۆ تۆماردەكرێت، دواتر دەدرێت بە بەڕێوەبەرایەتی گشتی ژمێركاری و خەزێنەكان.
ماوەی چەند رۆژێكە ژمارەیەك ئەندامی پەرلەمانی كوردستان لە فراكسیۆنە جیاوازەكان باس لە داهاتی خاڵە گومرگییەكان دەكەن و رای دژ بەیەك لەسەر ئەم بابەتە دەخەنە روو، بەشێك لە ئەندامانی پەرلەمانی كوردستان دەڵێن داهاتی خاڵەكانی گومرگی پەروێزخان و باشماخ كەمی كردووە و بەشێكی دیكەی پەرلەمانتاران دەڵێن داهاتی خاڵە گومرگییەكانی ئیبراهیم خەلیل و حاجی ئۆمەران نادیارە.
قەیوان گروپ
مایۆرکا سیتی جوانییەک لە دڵی سروشتدا
