پۆڵەتیک پرێس
سەرکردایەتی فەرماندەی ئۆپەراسیۆنە هاوبەشەکان جەختی لەوەکردەوە، هەماهەنگییەکی ئەمنی باڵا لەنێوان هێزە فیدڕاڵییەکان و هێزەکانی هەرێم لەناوچە کوردستانییەکانی دەرەوەی ئیدارەی هەرێم هەیە بەمەبەستی روبەڕوبوونەوەی چەکدارانی داعش.
لەوبارەیەوە تەحسین خەفاجی، وتەبێژی فەرماندەی ئۆپەراسیۆنە هاوبەشەکان رایگەیاند، زۆر گفتوگۆی ئەمنی لەنێوان بەغدا و هەولێر لەبارەی ناوچە کێشەلەسەرەکان ئەنجامدراون.
وتیشی: چەندین بنکەی ئۆپەراسیۆنی هاوبەش لەهەولێر و بەغدا، دیالە و نەینەوا، کەرکوک و ئەو ناوچانەی داوای هەماهەنگی هاوبەشی نێوان هێزە فیدڕاڵییەکان و پێشمەرگە دەکەن کراونەتەوە بەمەبەستی روبەڕوبوونەوەی چەکدارانی داعش.
پێشتریش سەرۆکی هەرێمی کوردستان داوای لەپەرلەمان و حکومەتی فیدڕاڵی و هاوپەیمانانی نێودەوڵەتی کرد بەپەلە هەوڵ بدەن بۆ پڕکردنەوەی ئەو بۆشاییە ئەمنییەی لەناوچە کوردستانییەکانی دەرەوەی ئیدارەی هەرێم هەیە.
قەیوان گروپ
مایۆرکا سیتی جوانییەک لە دڵی سروشتدا
