پۆڵەتیك پرێس
سکرتێری پێشوی جڤاتی نیشتیمانی بزوتنەوەی گۆڕان لەسەر ناکۆکی نێوان گۆڕان و فڕاکسیۆنەکەی دەڵێت ” دەبێت فراکسیۆن و پەرلەمانتار لە دیسپلینی حزبی دەرنەچێت، بەڵام بە دوومەرج”.
ماوەیەكە كێشە ناوخۆییەكانی بزوتنەوەی گۆڕان زیاتر قوڵبونەتەوە و ئەو كێشانەش بەرپرسانی حزبەكەی بە فراكسیۆنەكانیانەوە لە پەرلەمانی كوردستان و پەرلەمانی عێراق كردووە بە دووبەشەوە.
عەدنان عوسمان سکرتێری پێشوی جڤاتی نیشتیمانی بزوتنەوەی گۆڕان و وتەبێژی پێشوی بزوتنەوەكە لە لە تویتێکدا لە هەژماری تایبەتی خۆی نوسیویەتی: “فراکسیۆن و پەرلەمانتار دەبێ لە دیسپلینی حزبی دەرنەچێت، بەڵام دوو مەرج هەیە بۆ ئەوە، یەکەم، دەبێت فراکسیۆن و پەرلەمانتاران رۆڵی هاوبەشیان هەبێت لەدیاریکردن و گەڵاڵەکردنی سیاسەتی گشتی حزبەکە”.
لە تویتەكەیدا باسی لە مەرجی دووەم كردووە و بەوەی کە دیسپلینی حزبی دەبێت لەچوارچێوەی بەرنامەی حزب و بەتایبەتتر بەرنامەی ئینتخابی بێت.
ئەمە لەدوای ئەوە دێت عومەر سەید عەلی رێکخەری گشتی بزوتنەوەی گۆڕان نامەیەكی توند ئاراستەی فراكسیۆنی گۆڕان لە بەغدا كرد و دوای لێكردن لە ماوەی یەک هەفتەدا بگەرێنەوە ناو گۆڕان و ئەوەش دوا ئاگاداركردنەوە بوو كە بۆ فراكسیۆنەكەی نارد.
قەیوان گروپ
مایۆرکا سیتی جوانییەک لە دڵی سروشتدا
