پۆڵه‌تیك پرێس:
دادگای تاوانه نێوده‌وڵه‌تییه‌كان له‌شاری لاهای هۆڵه‌ندا، سكاڵایه‌كی یاسایی له ڕێكخراوێكی لیبیاوه به‌ده‌ستگه‌یشت، كه تیایدا توركیا به “تاوانی جه‌نگ” تۆمه‌تباركراوه.
سكاڵاكه له‌لایه‌ن ڕێكخراوی “لیبیا بۆ قوربانیانی تیرۆر و توندڕه‌ویی” له لیبیاوه ئاڕاسته‌ی دادگای نێوده‌وڵه‌تی تاوانه‌كان كراوه، تیایدا ڕه‌جه‌ب ته‌یب ئه‌ردۆغان، سه‌رۆك كۆماری توركیا و ژماره‌یه‌ك له‌فه‌رمانده سه‌ربازییه‌كانی توركیا تۆمه‌تباركراون به ئه‌نجامدانی “تاوانی جه‌نگ”.
له‌سكاڵاكه‌ی لیبیادا ئه‌وه‌خراوه‌ته‌ڕوو، زیاتر له 20 تاوانی جه‌نگ به به‌ڵگه‌وه ئاشكراكراون، كه توركیا و میلیشیا توندڕه‌وه‌كانی سه‌ر به‌و وڵاته له پشتیه‌وه‌ن.
سه‌عید ڕه‌زوان، ئه‌كادیمیستی یاسایی لیبیا له‌باره‌ی سكاڵاكه‌وه ڕایگه‌یاند، ئه‌ردۆغان و سه‌رۆكی حكومه‌تی ویفاق به تۆمه‌تی ئه‌نجامدانی تاوانی جه‌نگ تۆمه‌تبارن.
بڕیاره له‌داهاتوویه‌كی نزیكدا دادگای نێوده‌وڵه‌تی تاوانه‌كان بڕیاری خۆی له‌و باره‌یه‌وه بدات، تا ئێستاش توركیا بێده‌نگیی هه‌ڵبژاردووه.
قەیوان گروپ
مایۆرکا سیتی جوانییەک لە دڵی سروشتدا
