پۆڵەتیک پرێس
یەکێک لەو شتانەی خانمان زۆر گرنگی پێدەدەن و دەیانەوێت جوان دەربکەوێت قژە، بەڵام هەندێک جار چەوری قژ دەبێتە هۆی جوان دەرنەخستنی و بێزارکردنی خانمان.
بۆ ئەم مەبەستەش چەند ڕێگایەکی سروشتی هەیە بۆ ڕزگاربوون لە قژی چەور :
-تێکەڵەی لیمۆ و هێلکە، دوو زەردێنەی هێلکە لەگەڵ دوو کەوچکی گەورە ئاوی لیمۆ جوان تێکەڵ دەکەیت و لە پێستی سەری دەدەیت بۆ ماوەی ١٠ خولەک، پاشان بە ئاوی سارد دەیشۆیت، ئەم کردارە هەفتەی دووجار دوبارەدەکەیتەوە.
-چای ڕەش، نیو کوپ ئاو گەرم دەکەیت، دواتر دوو کەوچکی گەورە چای ڕەشی تێدەکەیت، دوای کەمێک دەیپاڵێویت و ئاوەکەی دەدەیت لە قژ بۆ ماوەی ٢٠ خولەک، پاشان بە ئاوی گەرم دەیشۆیت، ئەم کردارە هەفتەی دووجار دوبارەدەکەیتەوە.
-ئەلۆڤێرا، سێ کەوچکی گەورە ئاوی لیمۆ لەگەڵ یەک کەوچکی گەورە جێڵی ئەلۆڤێرا و دوو کەوچکی گەورە لەو شامپۆیەی بەکاریدەهێنیت جوان تێکەڵ دەکەیت، دواتر وەکو شامپۆ بەکاریدەهێنیت، پاشان بە ئاوی گەرم دەیشۆیت، دەتوانیت هەفتەی دووجار دوبارەیبکەیتەوە.
-ئاوی لیمۆ، یەک کوپ ئاوی لیمۆ و نیو کوپ ئاو تێکەڵ دەکەیت، دواتر لە قژەکەی دەدەیت بۆ ماوەی ١٥ خولەک، پاشان بە ئاوی سارد دەیشۆیت، هەفتەی یەکجار ئەم کردارە دەکەیت.
قەیوان گروپ
مایۆرکا سیتی جوانییەک لە دڵی سروشتدا
