پۆڵەتیک پرێس
گورچیلەکان ئەندامێکی سەرەکی جەستەن، ئاگاداربوون و پارێزگاریکردن لە تەندروستیان زۆر گرنگە، چونکە جەستە لە ژەهرەکان پاکدەکاتەوە.
هەندێک نیشانەی جەستە لەوانەیە ئاماژەبن بۆ هەبوونی کێشەی تەندروستی لە گورچیلەکاندا ئەوانیش:
-هەستکردن بە ماندووێتی و شەکەتی زۆر، کە بەهۆی کۆبوونەوەی ژەهرەکان لە جەستەدا ڕوودەدات و هۆکاری ئەوەش باش کارنەکردنی گورچیلەکانە.
-ئەگەر وشکبوونەوە و خوورانی پێست بۆماوەیەکی زۆر بەبێ هۆکار بەردەوام بوو پێویستە سەردانی پزیشک بکرێت لەوانەیە هۆکارەکەی تەندروستنەبوونی گورچیلەکان بێت.
-کۆبوونەوەی ژەهرەکان و سۆدیۆم لە جەستەدا دەبێتە هۆی ئاوسانی قاچەکان، کە نیشانەیە بۆ کێشەی تەندروستی گورچیلە.
-ئەگەر ئاوسانی دەوروبەری چاو بۆماوەیەکی زۆر بەردەوام بوو لەوانەیە هۆکارەکەی گورچیلە بێت چونکە بەهۆی کۆبوونەوەی سۆدیۆمەوە ڕوودەدات.
-میزکردنی زیاد لە پێویست.
-ئازاری زۆری ماسولکەکان.