هۆکاری ئازاری گورچیلە

ئەم بابەتە 8 جار بینراوە

پۆڵەتیک پرێس

بەشێوەیەکی گشتی هۆکارە دیارەکانی ئازاری گورچیلە هەوکردنی گورچیلە و میزەڕۆ یان بەردی گورچیلەیە، لەگەڵ ئەوەشدا چەندین هۆکاری دیکە هەیە، لەکاتی ئازاری گورچیلەدا چەند نیشانەیەک دەردەکەوێت وەک، بەرزبونەوەی پلەی گەرمی لەش، دڵتێکەڵ هاتن و ڕشانەوە.

دیاریکردنی هۆکارەکانی نەخۆشییەکە لە ڕێگای پشکنینی خوێن یان وێنەگرتنی سک و حەوزەوە دەبێت.

هەندێک لەو هۆکارانەی دەبنە هۆی ئازاری گورچیلە:
-هەوکردنی میزەڕۆ
-مەیینی خوێن لەناو گورچیلەدا
-تەسکی یان برینداربونی میزەڕۆ
-شێرپەنجەی گورچیلە

لەکاتی بوونی نیشانەکاندا پێویستە سەردانی پزیشک بکرێت بۆ وەرگرتنی چارەسەر، ئەوەش بەپێی هۆکارەکە و لەشی کەسەکە دەگۆڕێت، هەندێک کەس بە پێدانی دەرمان چارەسەر دەبێت، هەندێکیش کە دۆخەکەیان قورس بێت لەوانەیە پێویست بە نەشتەرگەری بکات،لەگەڵ ئەوانەشدا بۆ تەندروستی گورچیلە باشترە ڕۆژانە بڕێکی زۆر ئاو بخورێتەوە.