پۆڵەتیك پرێس:
كاردانەوەكانی سەر سزادانی چالاكوانانو رۆژنامەنووسانی بادینان زیاتر دەبنو ئەندامێكی پەرلەمانی عێراقیش دەڵێت: هیچ دوژمنێكی دەرەكی ئەوەندەی داڕوخانی یاسا لەكوردستان كاریگەری نەبووە بۆدروستكردنی مەترسی لەسەر خەڵكی هەرێم و ئەزمونی سیاسی.
موسەننا ئەمین ئەندامی پەرلەمانی عێراق بۆ پۆڵەتیك پرێس وتی: ئەنجامدانی كاری تیرۆرستنی و كاتوێشابارانكردنی هەرێم و خەڵكانی دژو لەیاسا دەرچوو هێدەی ئەوە مەترسی دروست ناكەن، كە خۆمان ببینە دوژمنی خۆمان و دەزگاو دامەزراوە دەستوورییەكانی خۆمان بشوێنین و دادگا، كە شوێنی خەڵكە بۆ وەرگرتنی ماف و راستییەكان، بۆ هۆكاری سیاسی بەكاری بهێنین.
وتیشی: بڕیارەكانی دادگای هەولێر دژی رۆژنامەنووسان و چالاكانی بادینان بڕیارێكی سیاسی پێش وەختەیەو بەڵگەكان لەسەر گیراوان بەس نەبوون بۆ بڕیاردان و سزادان بەشێوە سەختە.
موسەننا ئەمین باسی لەوەش كرد، شێواندنی دادگاو دامەزراوە یاساییەكان و ناشرینكردنی سومعەی هەرێم و لە قاڵبدانی ماف و ئازادییەكان زۆرمەترسیدارترە لەكاتیوشای ملیشیاكان بۆ سەرهەرێمی كوردستان، كە هەردووكیان لەیەك كاتدا بوون.
ئاماژەی بەوەشكرد،پێویستە هەموولایەك سومعەی هەرێم بپارێزێت بۆ ئەوەی ئەو پشتیوانییە نێودەوڵەتییە هەیە بمێنێتەوە نموونەیەكی دیموكراتی جوان پێشكەش بكرێت و بەجیهان نەڵێن هەرێمی كوردستانیش وەك میلەتە ستەمكارەكانی ناوچەكە كاردەكات.
موسەننا ئەمین، هیوای خواست دادگای تەمیز ئەوبڕیاری زیندانی كردنی رۆژنامەنووس و چالاكانی مەدەنی هەڵبوەشێنێتەوەكاربەو بڕیارە سیاسیەنەكات.
رۆژی 16ی ئەم مانگە دادگای هەولێر بە تۆمەتی “سیخوڕی و هەوڵدان بۆ كودەتا”، بڕیاری شەش ساڵ زیندانیكردنی بۆ پێنج رۆژنامەنووسو چالاكی مەدەنی سنووری بادینان دەركرد، بڕیارەكەش لەلایەن بەشێكی زۆر لەهاووڵاتییانی هەرێمی كوردستانەوە رەتكرایەوە.