ئاگربەست لە غەززە بۆ دوو رۆژی دیكە درێژدەكرێتەوە

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

ئیسرائیل و حەماس لەسەر درێژكردنەوەی ئاگربەست بۆ دوو رۆژی تر رێككەوتن، لەو دوو رۆژەدا 20 بارمتەی ئیسرائیل و 60 دەستگیركراوی فەڵەستین ئازاد دەكرێن.

وەزارەتی دەرەوەی قەتەر رایگەیاند، ئاگربەستی نێوان بزووتنەوەی حەماس و ئیسرائیل بۆ دوو رۆژی تر درێژكرایەوە و لەو دوو رۆژەی ئاگربەستەكەشدا، هاوكاریی زیاتری مرۆیی دەگەنە غەززە.

هاوكات حەماس درێژكردنەوەی ماوەی ئاگربەستەكەی پشتڕاستكردەوە و رایگەیاند، ئاگربەستەكە بە نێوەندگیریی قەتەر و میسر و بە هەمان مەرجەكانی پێشوو كراوە.

بەپێی ئاژانسی رۆیتەرز، لە دوو رۆژی ئاگربەستەكەدا 20 بارمتەی ئیسرائیل و 60 دەستگیركراوی فەڵەستین ئازاد دەكرێن.