پۆڵهتیك پرێس:
ئهندامێكی پهرلهمانی كوردستان لهفراكسیۆنی یهكێتیی نیشتمانیی كوردستان ڕایدهگهیهنێت، “ئێمە لەگەڵ ئەوەین كە حكومەتی هەرێم هەوڵبدات ئارامی بۆ شهنگال بگەڕێنێتەوە، یەكە ئیدارییەكانی شەنگال كارا بكرێتەوە بە مەرجێك لە ژێر ڕەزامەندی شەنگالیەكان بێـت، نەك بە سەپاندن بێـت”.
باڵانبۆ محهمهد عهلی، ئهندامی پهرلهمانی كوردستان لهفراكسیۆنی یهكێتی به پۆڵهتیك پرێس-ی رایگهیاند، “دیارە كێشەی ئێمە تەنها كێشەی شەنگال نیە، بەڵكو نەسازانی لایەنە سیاسیە كوردییەكانە، كە تا ئێستا نەمانتوانیوە پارێزگاری كەركوك دابنێین كە مافی كوردە، ئهوهش لهبهر بەرژەوەندی تەسكی حیزبایەتی، كه ئهوه دەگەیەنێت بیركردنەوەی حیزبی لە بیركردنەوەی نەتەوەیی باڵادەستترە”.
لهبارهی ئهگهری ڕوبهڕوبونهوهی هێزێكی كوردی لهگهڵ پهكهكه ئهو پهرلهمانتاره وتی، “پێموانیە ئەوی كە بیەوێت شەرعیەت بدات بە ڕوبەڕووبونەوەی پەكەكە لەڕوی نەتەوایەتیەوە بیربكاتەوە، ئەو ڕووبەڕوبونەوەیهی پەكەكە هەر لایەنێك بە تەنیا بڕیاری لەسەر بدات ئەوا ڕای سهرجهم لایهنهكانی ههرێم نیه و تهنیا تهعبیره لهڕای یهك لایهن”.
“پێویستە نەفرەت لەشەڕبكەین، دەستكەوتی شەڕ تەنها ماڵوێرانیە، پێویستە لایەنە سیاسیەكان هەستن بە گفتوگۆكردن بۆ ئەوەی كێشەی پەكەكە چارەسەربكرێت، پێویستە لەگەڵ دەوڵەتی توركیا قسەبكەن، بۆ ئەوەی كێشەی توركیاو پەكەكە چارەسەربكەن” ئهوهش بهوتهی باڵانبۆ محهمهد.
ئهو پهرلهمانتاره وتیشی، “توركیا نایەوێت لەگەڵ پارتی كرێكارانی كوردستان كوردستان ڕێبكەوێت، ئەگەر رێبكەوێت ئەوا پێویستە بە زوترین كات كوردستان چۆڵبكات، چونكە ئەو كات ئەو پاساوهی نامێنێت بڵێت بۆ پارێزگاری خۆمان لە خاكی هەرێمین، توركیا بۆ ئەوەی دەستبگرێت بە سەر خاكی هەرێمی كوردستان لە هەرێمە بەڵام پەكەكەی كردووە بە بیانوو”.
قەیوان گروپ
مایۆرکا سیتی جوانییەک لە دڵی سروشتدا
