پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
ژووری ئۆپراسیۆنە هاوبەشەكەی سلێمانی وردەكاری دوو ڕووداوەكەی دوو ڕۆژی ڕابردووی شاری سلێمانی بڵاوكردەوە و تۆمەتباری سەرەكی ڕووداوەكان، كە یەكێكیان بكوژی بەرپرسێكی پەكەكەیە ئاشكراكرد.
ژووری ئۆپەراسیۆنی هاوبەشی (ئاسایش و زانیاری و دژەتیرۆر و پۆلیس)ی سلێمانی لە ڕاگەیەنراوێكدا ئاماژەی بەوەكردووە، توانرا لەماوەی كەمتر لە 24 كاتژمێردا پیلانە‌كە ئاشكرا بكرێت و تاوانباری سەرەكی ئەو دوو كردەوەیەی لە سلێمانی ڕوویاندا لە 16 و 17ی ئەم مانگە دەستگیر بكرێت و ڕاپێچی بەردەم دادوەر بكرێت.
ئەوەشهاتووە، سلێمانی شاری ئارامییە بۆ هەمووان بێ جیاوازی و ئاسایش و ئارامی شار و هاووڵاتییانیش پارێزراوە.
راگە‌یەندراوێك لە ژووری ئۆپە‌راسیۆنێكی هاوبە‌شە‌وە لە پارێزگای سلێمانی
لەسەر راسپاردەی بە‌ڕێز قوباد تاڵەبانی، جێگری سەرۆكی ئەنجومەنی وەزیران، ژوورێكی ئۆپەراسیۆنی هاوبەش پێكهێنرا لەدەزگای ئاسایشی هەرێم و ئاژانسی پاراستن و زانیاری_ زانیاری و بە‌ڕێوبە‌رایە‌تی ئاسایشی پارێزگای سلێمانی و بە‌ڕێوبە‌رایە‌تی گشتی دژە تیرۆر و بەڕێوەبەرایەتی پۆلیسی سلێمانی، بەمەبەستی لێكۆڵینە‌وە و گەڕان بەدوای تۆمەتبارانی دوو كردەوەكەی دوو رۆژی رابردوو.
پاش چڕ كردنە‌وە‌ی هە‌وڵە‌كان، توانرا لەماوەی كەمتر لە 24 كاتژمێردا پیلانە‌كە ئاشكرا بكرێت و تاوانباری سەرەكی ئەو دوو كردەوەیە دەستگیر بكرێت دوو كردەوەكەش:
_یەكە‌میان رۆژی16 ی ئەیلول روویدا و تێیدا كە‌سێك بریندار بوو .
_دووە‌میان رۆژی17ی ئەیلول روویدا و تێیدا كە‌سێك تیرۆر كرا.
تۆمەتبارە‌كە‌ش راپێچی دادگا كرا تاوە‌كو سزای یاسایی خۆی وەربگرێت.
لێرە‌وە بەهەموو لایەكی رادەگەیەنین كە سلێمانی شاری ئارامییە بۆ هەمووان بێ جیاوازی و ئاسایش و ئارامی شار وهاوڵاتییانیش پارێزراوە.
-دەزگای ئاسایشی هەرێم و ئاژانسی پاراستن و زانیاری – زانیاری.
-بە‌ڕێوبە‌رایە‌تی ئاسایشی پاریزگای سلێمانی.
-بە‌ڕێوبە‌رایە‌تی گشتی دژه تیرور.
-بەڕێوەبەرایەتی پۆلیسی سلێمانی.
18ی ئە‌یلولی 2021
