پۆڵه‌تیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
به‌ڕێوه‌به‌رى گشتى چاودێرى و گه‌شه‌پێدانى كۆمه‌ڵایه‌تى سلێمانى ده‌ڵێت، سه‌ربارى ئوه‌ى له‌سنورى پارێزگاى سلێمانى بایكۆته، به‌ڵام به‌شێك له‌فه‌رمانبه‌ره‌كانى ئێمه 24 سه‌عات له‌ئه‌ركدان و خزمه‌تى ئه‌و كه‌سانه ده‌كه‌ن كه په‌ككه‌وته‌ن، باس له‌وه‌ش ده‌كات، رۆژانه هاوكارى چه‌ندین خێزانى خاوه‌ن پێداویستى تایبه‌ت و هه‌ژار ده‌كه‌ن.
بێستوون شه‌هید جه‌بار، به‌ڕێوه‌به‌رى گشتى چاودێرى و گه‌شه‌پێدانى كۆمه‌ڵایه‌تى سلێمانى به‌پۆڵه‌تیك پرێسى راگه‌یاند: له‌درێژه‌ى ئه‌و كاروچالاكییانه‌ى وه‌زاره‌تى كاروكاروبارى كۆمه‌ڵایه‌تى به هه‌وڵى خاتوو كوێستان محه‌مه‌د ئه‌نجامى ده‌دات، ئه‌مڕۆ كۆمپانیاى سه‌فره 5000 پاكێجى دابینكردووه بۆمان له‌ڕێوره‌سمێكى جوان و به‌ده‌ستێكى ئه‌مین ده‌یگه‌یه‌نینه ئه‌و خانه‌وادانه‌ى پێویستیانه.
به‌ڕێوه‌به‌رى گشتى چاودێرى و گه‌شه‌پێدانى كۆمه‌ڵایه‌تى سلێمانى وتى: ئێمه كاتێك كێشه‌و گیرگرفتی خێزانێك دێته به‌رده‌ممان له‌هه‌وڵداده‌بین تا كێشه‌ى ئه‌و خێزانه چاره‌بكه‌ین وه تائه‌و كێشه‌یه چاره‌سه‌رنه‌كه‌ین ده‌ستمان له‌سه‌ر دڵمانه و قه‌له‌قین، چونكه هه‌ندێكى په‌یوه‌ندى به‌بابه‌تى ته‌ندروستیه‌وه هه‌یه هه‌ندێكى په‌یوه‌ندى به ژیانى رۆژانه‌وه هه‌یه، بۆیه تاكێشه‌كه چاره‌سه‌نه‌كه‌ین و هاوكارى ئه‌و خانه‌واده‌یه نه‌كه‌ین و بزه نه‌خه‌ینه سه‌رلێویان خۆمان به هاوبه‌شى ئه‌و خه‌م و په‌راژه‌و كێشه‌ى ئه‌و خانه‌وادانه ده‌زانین.
وتیشى: ئه‌م به‌ڕێوه‌به‌رایه‌تیه گشتیه به‌قه‌زاى ناوه‌ندى سلێمانى پێكدێت له 11 قه‌زا، وه له‌سه‌رجه‌م قه‌زاكان هه‌م به‌ڕێوه‌به‌رایه‌تیمان هه‌یه و هه‌م نوێنه‌رایه‌تى به‌ڕێوه‌به‌رایه‌تى گشتیمان هه‌یه له سه‌نته‌ره‌كانى پاراستن و چالاكیى منداڵان و دایه‌نگه و سه‌نته‌ره‌كانى ئۆتیزم و به‌ڕێوه‌به‌رایه‌تیه‌كانى چاودێرى كۆمه‌ڵایه‌تى له قه‌زاكان، بۆیه رۆژانه فه‌رمانبه‌ره ماندوونه‌ناسه‌كان په‌یوه‌ندیان هه‌یه له‌گه‌ڵ ئه‌و خێزانانه‌ى خاوه‌ن پێداویستى تایبه‌تن و هه‌ژار و لێقه‌وماون.
ئاماژه‌ى به‌وشه‌كرد، له‌م قه‌یرانه‌دا و له‌ئێستادا له‌سنورى پارێزگاى سلێمانى بایكۆته به‌ڵام ماڵى به‌ساڵاچووان ئێستا كۆمه‌ڵێك فه‌رمانبه‌رى دڵسۆزمان 24سه‌عاته له‌وێن كه 24 په‌ككه‌وته‌مان هه‌یه، ئه‌و په‌ككه‌وتانه پێویستیان به‌خزمه‌تى به‌رده‌وامه وه‌ك خاوێنكردنه‌وه و خۆراك بكرێته ده‌میانه‌وه، ئه‌و كۆمه‌ڵه فه‌رمانبه‌ر و چاودێره‌ى له‌وێن 24 سه‌عات له‌وێن.
به‌ڕێوه‌به‌رى گشتى چاودێرى و گه‌شه‌پێدانى كۆمه‌ڵایه‌تى سلێمانى ئه‌وه‌ى خسته‌ڕوو، كۆمه‌ڵێك سه‌رمایه‌دار زۆرباشن له‌گه‌ڵمان به‌ڵام به‌داخه‌وه وه‌كو پێویست نیه چونكه ئه‌و سه‌رمایه‌دارانه‌ى هه‌مووى ئه‌و داهات و سه‌رمایه‌یان كۆكردووه‌ته‌وه هى ئه‌و خاك و ئاوو هه‌رێمه‌یه، بۆیه حه‌قه ئه‌وانیش چاویان له‌و خه‌ڵكه‌بێت، به‌راستى هه‌ندێك سه‌رمایه‌داریش ره‌نگه هاوكارى بكات به‌ڵام ناگاته ده‌ستێكى ئه‌مین، ئێمه تێبینیمان له‌سه‌ر كۆمه‌ڵێك له‌جۆرى هاوكارییه‌كان هه‌یه.
قەیوان گروپ
مایۆرکا سیتی جوانییەک لە دڵی سروشتدا
