پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
وەزارەتی كشتوكاڵ و بازرگانی عێراق بڕیاریدا كارتی بانكی كشتوكاڵی بۆ سەرجەم جوتیارانی عێراق و هەرێمی كوردستان دروست بكات.
ئەیاد پۆڵانی، بەڕێوەبەری بەرنامەی كارتی كشتوكاڵی حكومەتی عێراق رایگەیاند، پڕۆژەكە مانگێكی دیكە بەرەسمی دەكەوێتەبواری جێبەجێكردنەوە و هەموو پارێزگاكانی عێراقیش دەگرێتەوە.
ئاماژەی بەوەشكرد، هەموو جوتیارێك كارتێكی كشتوكاڵی بۆ دروست دەكرێت و لەو كارتەدا هەموو چالاكییەكانی جوتیار وەك زەوییەكانی، پلانی داچاندن، وەرگرتنی بنەتۆو و قەرزكردنەكانی لەرێگەی ئەو كارتەوە راییدەكرێت.
بەگوێرەی بڕیارەكەی حكومەتی عێراق، كارتی كشتوكاڵی دەبەسترێتەوە بە وەزارەتی بازرگانیشەوە و شایستەی دارایی جوتیاران لەرێگەی ئەو كارتەوە خەرج دەكرێت.