سایتی شەفافیەت داهاتی یەک هەفتەی سلێمانی بڵاوکردەوە

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

ماڵپەڕی شەفافیەت داهاتی  یەک هەفتەی پارێزگاکانی سلێمانی و هەڵەبجە و ئیدارەکانی گەرمیان و ڕاپەڕینی ئاشکراکرد، کە زیاتر لە 12ملیار دینارە.

بەپێی ماڵپەڕی شەفافیەت، لە یەک هەفتەدا داهاتی پارێزگاکانی سلێمانی، هەڵەبجە، ئیدارەکانی گەرمیان و ڕاپەڕین 12 ملیار و 639  هەزار و 827 دینار بووە، لەو ژمارەیە زیاتر لە 10 ملیار دیناری بەشێوەی نەختینە و نزیکەی دوو ملیار دینار بەشێوەی چەک بووە.

ئەم داهاتانە داهاتی نانەوتین و لەڕێگەی شەش گەنجینە “گەنجینەی دوو، گەنجینەی یەک، گەنجینەکانی گەرمیان، راپەڕین، چەمچەماڵ و هەڵەبجە” کۆکراونەتەوە.

رۆژی 15/12/2022 دوای 30 ساڵ، حكومەتی هەرێمی كوردستان لەسەر دەستی قوباد تاڵەبانی، بوو بەخاوەنی پڕۆژەی شەفافییەت لە داهات و خەرجی، سایتی شەفافییەت لە هەشت بەش پێكدێت و لەلایەن نووسینگەی جێگری سەرۆكی ئەنجومەنی وەزیرانی هەرێمی كوردستانەوە سەرپەرشتی دەكرێت.