پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
بەڕێوەبەرایەتی گشتی تەندروستی سلێمانی ڕایگەیاند، دەست بەسەر زیاتر لە 38 تۆن برنجی نەشیاودا گیراوە.
ئەمڕۆ سێشەممە بەڕێوەبەرایەتی گشتی تەندروستی سلێمانی ئاماژەی بەوەکرد، لەدرێژەی هەوڵەكان بۆ چاودێری كردنی شوێنە گشتیەكان و پاراستنی تەندروستی هاوڵاتیان و ڕێگری كردن لەبەكارهێنانی خۆراك و كاڵای نەشیاو، لیژنەكانی چاودێری تەندروستی سلێمانی دەستیان بەسەر بڕی 38 تۆن و 500 كیلۆ برنجدا گرت.
لەبارەی هۆکاری دەستبەسەرداگرتنی ئەو برجانە باسی لەوەکرد، شوێنی هەڵگرتنەكەی لەكۆگا نەشیاو بوو و بەو هۆیەوە برنجەكە خراپ ببوو.
ئەوەشی خستەڕوو، پاش ئەنجامدانی پشكنینی تاقیگەیی بۆ ئەو برنجە، لە ئەنجامدا دەرکەوت شیاو نیە بۆ خواردن، بڕیاردرا بەلەناوبردنی ئەو بڕە برنجە.
قەیوان گروپ
مایۆرکا سیتی جوانییەک لە دڵی سروشتدا
