پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
دەزگای ئاسایشی هەرێمی کوردستان لەبارەی شەڕەتەقەکەی ئەمڕۆی شاری سلێمانی ڕوونکردنەوەیەکی بڵاوکردەوە.
ئەمڕۆ یەکشەممە دەزگای ئاسایشی هەرێمی کوردستان لە ڕوونکردنەوەیەکدا ئاماژەی بەوەکرد، کاتژمێر 12:00ی نیوەڕۆ لە نزیک پڕۆژەیەکی نیشتەجێبوون لە شاری سلێمانی، لەسەر کێشەی کۆمەڵایەتی ڕووداوی تەقەکردن لە نێوان چەند کەسێک ڕوویدا لە ئەنجامدا دوو کەس بریندار بوون و ڕەوانەی نەخۆشخانە کران.
وتیشی، دەستبەجێ هێزەکانی بەڕێوەبەرایەتی ئۆپراسیۆنەکانی سلێمانی و بەڕێوەبەرایەتی ئاسایشی سلێمانی گەیشتنە شوێنی ڕووداوەکەو هەردوو لایەنی تەقەکەر دەستگیرکران و لێکۆڵینەوە لە ڕووداوەکە بەردەوامە .
جەختی لەوەش کردەوە، لێرەوە بۆ هەموو هاوڵاتیانی خۆشەویستی هەرێمی کوردستان دوپات دەکەینەوە کە هیچ کەسێک لە سەروو یاساوە نیە و هەر کەسێک ببێتە هۆکاری تێکدانی ئارامی و ئاسایش دەستگیردەکرێت و ڕوبەڕووی یاسا دەکرێتەوە .
قەیوان گروپ
مایۆرکا سیتی جوانییەک لە دڵی سروشتدا
