تەرمی نۆ كۆچبەری دیكەی كورد دۆزرانەوە..پۆڵەتیك پرێس ناوەكانیان بڵاودەكاتەوە

پۆڵەتیك پرێس:

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

تەرمی نۆ كۆچبەری دیكەی كورد دۆزرانەوە كە كۆتایی ئەم مانگە لە دەریای ئیجەدا خنكان، ژمارەیەكی دیكەشیان تا ئێستا بێسەروشوێنن.

رۆژانی ( 22 و 23 و 24) ی ئەم مانگە لە دەریای ئیجەدا سێ بەلەمی كۆچبەران نقوومبوون، بەلەمی یەكەم 61 بۆ 70 كەسی تێدا بووە و تەنیا 13 كەس رزگاریانبوو كە حەوت كەسیان كورد بوون و منداڵێكیش لە نێو رزگاربووەكاندایە.

لە نێو بەلەمی دووەمدا كە شەوی 23-12-2021 نقوومبوو، 105 كەسی تێدابووە، 82 كەسیان هاووڵاتی هەرێمی كوردستانن، تائێستا 11 تەرم دۆزراونەتەوە كە نۆیان كوردن، خنكاوەكان لەچەند خێزانێكن و ناوەكانیان ئەمانەن:

رابیعە عەبدولڕەحمان حەمەڕەشید

ئاشتی جوبرائیل مەحموود

عەزیمە عوسمان مەحموود

راز كاروان غەفوور

محەممەد گوڵ

خەدیجە تەها

ئانیا ئاودێر رەسوول

ئەژین ئاودێر رەسوول

سومەیە بیلال

لەنێو بەلەمی سێیەمدا كە شەوی 24-12-2021 لە نێوان توركیا و یۆنان نقوومبوو دەوترێت هیچ كۆچبەرێكی كوردی تێدا نەبووە، بەڵام هێشتا ئەوە پشتڕاست نەبووەتەوە.