پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
سەرۆك وەزیرانی عێراق پرۆژەكانی هەڵمەتی بەغدا جوانترە بەسەردەكاتەوە و داواش دەكات لە شوێنی سەربازگەی رەشید، پاركێكی گەورە دروستبكرێت.
رۆژی شەممە 4_3_2023، محەمەد شیاع سودانی، سەرۆك وەزیرانی عێراق كاركردن لە شەقامی ئەبو نواس بەسەركردەوە كە ئێستا لە چوارچێوەی هەڵمەتی (بەغدا جوانترە) ئەنجام دەدرێن، لەمیانی چاوپێكەوتنی لەگەڵ كرێكار و ئەندازیارانی پرۆژەكە داوایكرد پرۆژە و وەبەرهێنانی زیاتر و سەردەمیانە لە هەردوولای رووباری دیجلە دروستبكرێت.
سودانی سەربازگەی رەشیدی بەسەركردەوە و داوایكرد كۆبوونەوەیەك لەسەر ئاستێكی بەرز ئەنجامبدرێت لەپێناو تەرخانكردنی زەوییەكانی سەربازگەی رەشید و پێدانی بە كۆمپانیەكی بواری وەبەرهێنان بۆ ئەوەی دیدگای خۆی سەبارەت بەپێشخستنی و گۆڕینی بۆ پاركێك وپانتایەكی سەوز پێشكەش بكات.
بۆ چارەسەركردنی كێشەی جەنجاڵی هاتووچۆش لەناو شاری بەغدا،سودانی داوایكرد شەقامێك بە ئاراستەی ناوچەی زەعفەرانیە بۆ كەمكردنەوەی قەرەباڵغی بكرێتەوە.