باشترین میوە و سەوزەواتەکان بۆ دابەزاندنی کێش

پۆڵەتیک پرێس

میوە و سەوزەواتەکان تەندروستترین جۆری خواردنن لەجیهاندا، چونکە سەرچاوەیەکی سەرەکی ڤیتامین، کانزا و ڕیشاڵەکانن، ئەگەری توشبوون بە نەخۆشییە درێژخایەنەکانی وەک دڵ و شەکرە کەمدەکەنەوە.

ئەم جۆرانەی میوە و سەوزەواتەکان یارمەتی دابەزاندنی کێش دەدەن بەپێی ماڵپەڕی”eatthis”:

-مزرەمەنیەکان
پڕتەقاڵ، لیمۆ و سندی بەباشترین بۆ دابەزاندنی کێش دادەنرێن، چونکە کالۆریان کەمە و دەوڵەمەندن بە ڕیشاڵەکان هەستی تێربوون زیاددەکەن.

-توو
خێزانی توو بەگشتی شاتوو، بلوبێری و شلیک گرنگییەکی زۆریان لە دابەزاندنی کێشدا هەیە، ڕێژەیەکی زۆر ڕیشاڵەکانیان تێدایە و کالۆریان کەمە.

-سەوزەواتەکان
سەوزەواتەکانی وەک برۆکلی، قەرنابیت، کاهوو و جۆرەکانی دیکە کالۆریان کەمە و دەوڵەمەندن بە ڕیشاڵەکان سوودێکی زۆریان بۆ تەندروستی و دابەزینی کێش هەیە.

-ئاڤۆکادۆ
دەوڵەمەندە بە چەوری تەندروست هەستی تێربوون زیاددەکات و یارمەتی دابەزینی کێش دەدات.