پۆڵەتیك پرێس
لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress
یەكەم كاروانی هێزەكانی پاسەوانی سنووری فیدڕاڵی بۆ پاراستنی سنوورەكانی نێوان هەرێمی كوردستان و وڵاتی ئێران بەڕێكەوتووە و ناردنی هێزیش بەردەوامی دەبێت.
رۆژی سێشەممە 6_12_2022، میدیا عێراقییەكان بڵاویانكردووەتەوە: رۆژی رابردوو لەسەر فەرمانی محەمەد شیاع سودانی، سەرۆك وەزیرانی عیراق یەكەم كاروانی ناردنی هێزەكانی پاسەوانی سنووری فیدڕاڵی بەرەو سنوورەكانی نێوان هەرێمی كوردستان و ئێران بەرێخراوە و رێگری دەكەن لە بەزاندنی سنوور لەلایەن هەردوو وڵاتەوە و ئاسایشی ناوچەكە بەرقەرار دەكەن.
هاوكات، لیوا یەحیا رەسوڵ، وتەبێژی فەرماندەی هێزە چەكدارەكانی عیراق رایگەیاندووە: سەرۆك وەزیران بەتەواوەتی دەیەوێت سنوورەكانی وڵات لەگەڵ ئێران و توركیا بپارێزێت و رێگری بكات لە هێرشەكان.