بەوێنە..هۆتێلێک لە زێڕی بێگەرد ببینە

پۆڵەتیک پرێس

هۆتێلێک لەشاری هانۆی باکوری ڤێتنام بەهۆی تایبەتمەندیەکەیەوە یەکێکە لە هۆتێلە بێهاوتاکان، تایبەتمەندیەکەشی ئەوەیە کە ئەم هۆتێلە لە زێڕی بێگەرد دروستکراوە.

هۆتێلەکە ئاوێنە، سەقف، گەرما و چرای زێرێ هەیە، تەنانەت دیوار و کورسیەکانی تەوالێتیش لە زێڕی بێگەرد دروستکراون، هۆتێلە پێنج ئەستێرەکە مەلەوانگەیەکی لە دەرەوە تێدایە، ڕێستۆرانت، سەنتەری لەشجوانی و شوێنی تایبەتی بۆ کاری بازرگانی هەیە، لەگەڵ ئەوەشدا دیمەنێکی زۆری جوانی شار پیشان دەدات و 24 کاتژمێر ئاڵۆگۆڕی دراو وخزمەتگوزاری ژووری هەیە.

ژوور و سویتەکانی هۆتێلەکە گەرماو، تەوالێت و ئاوێنەی زێڕیان هەیە، بۆ دڵنیابوون لە پەیوەندیکردن لەگەڵ زۆرترین ژمارەی کڕیارەکان ستافی هۆتێلەکە بەگشتی بە شەش زمان قسەدەکەن، بەپێی ڕۆژنامەی دەیلی ستاری بەڕیتانی، نرخی ژوور لە هۆتێلەکە لە 110 دۆلارەوە دەستپێدەکات و لەوەرزی بەهار و هاویندا نرخەکان بەرزتر دەبنەوە.